Assalamualaikum, wr, wb.
Innalillahi wa inna ilaihi roji’un
Sadaya punika kagunganipun pangeran,
mila ugi badhe wangsul dhateng Pangeran.
Para takjiyah kakung sumawana putri
ingkang kinurmatan, kula minangka talang aturipun ingkang kesripahan, ngaturaken sugeng rawuh. Matur nuwun dene
panjenengan sedaya sampun kepareng rawuh, minangka pratandha tresna panjenengan
dhumateng kulawarga ............ temah saged nglipur anggenthengaken awratipun
raos. Dene katilar wangsul katimbalan dening Pangeran Ingkang Maha Kuwaos.
Dhumateng sanak kadang, tanggi tepalih,
kula ngaturaken sanget agunging panuwun awit saking keparengipun paring
pambyantu punapa sesanggeman kula dados entheng, sadaya lumampah gancar lan
prayogi.
Para taljiyah ingkang kula tersnani.
Bapak/ibu ............... sampun
kapundhut wangsul dhateng ngarsanipun Allah SWT. Ingkang punika mbok menawi
nalika sugengipun anggadhahi kalepatan dhateng panjenengan sedaya, kulawarga
anyuwunaken pangapunten. Dene mbok menawi taksih wonten sanak kadang ingkang
taksih njanggel petangan kaliyan almarhum/ah .......... , mugi kaparenga
tumunten anuntasaken dhateng kulawarga ingkang katilar. Makaten supados
lampahipun suwargi katimbalan marak ing ngarsanipun Pangeran mboten semang
tumolih, kalis ing rubeda punapa kemawon.
Para takjiyah ingkang kila hormati,
boten langkung nyuwun tambahing pandonga, mugi-mugi alusipun bapak/ibu
........... katampiya kanthi sukarena dening pangeran, kaparingana pangapunten
sedaya ngamal saenipun, kapapana ing panggenan ingkang prayogi. Dene kulawarga
ingkang katilar mugi kaparingana manah ikhlas, tetep tawakal lan sabar, sageda
nelad lan nglestantunaken ngamal saenipun ingkang sampun suwargi.
Wasana cekap semanten anggen kula matur.
Manawi wonten atur kula ingkang kirang prayogi, nyuwun pangapunten.
Wassalamu’alaikum, wr.wb.
TULADHA POCAPAN LELAYU /KESRIPAHAN
TULADHA POCAPAN LELAYU /KESRIPAHAN
ijin simpan materi gmna gan?
ReplyDelete